२०११ डिसेम्बर ११, टप माउण्टेन तेक्वान्दो डोजाङ हङकङले जोर्डन स्थित कुन्चुङ मार्केट स्पोर्ट ग्राउण्डमा १२० जना विधार्थीहरुका बीच आफनो ११ औं अपग्रेडिङ भव्यरुपमा सम्पन्न गरेको छ । उक्त अवसरमा डोजाङका मास्टर गणेश गुरुङले गत ११ सेप्टेम्बर २०११ मा १० औं अपग्रेडीङमा ब्ल्याक वेल्टका लागि परिक्षा दिएका ५ जना उतिर्ण खेलाडी विधार्थीहरुलाई ब्ल्याक वेल्ट तथा प्रमाण पत्र वितरण गरेका थिए ।
यस पटकको ११ औं अपग्रेडीङमा पनि ५ जना खेलाडीहरुले व्लैक वेल्ट प्राप्तीका लागि परिक्षा दिएका छन । ती विधार्थीहरुले आगामी १२ मार्च २०१२ मा १२ औं अपग्रेडीङका अवसरमा व्लैक वेल्टको परिणाम अनुसार ब्ल्याक वेल्ट पाउने छन् ।
टप माउण्टेन तेक्वान्दो डोजाङ हङकङले यहि आउदो १८ डिसेम्बर २०११ दिन आफनो अर्को नयां शाखा साम्सूइपोमा सुरु गर्न गइरहेको छ । आफनो स्थापनाको तेस्रो बार्षिक उत्सव १ अप्रिल २०१२ का दिन याउमा तेई स्थित हेनरी जी ल्योङ कम्युनिटीहलमा विविध सांस्कृतिक कार्यक्रम सहित पुम्से प्रतिस्पर्धा सहित भव्यरुपमा मनाउने तयारी गर्दैछ । उक्त तेस्रो बार्षिक कार्यक्रममा फिलिपिन, नेपाली र इण्डिोनेसियन कलाकारहरुले पनि आफनो नृत्य तथा गीत प्रस्तुत गर्ने भएका छन् ।
