बज्र कुमार राई
पूजा तिमी प्राप्ति तिमी कहाँ मेरो भूल भयो
तिम्रो माया सधैं इश्वर मेरो चाहीं फूल भयो
उद्धेश्यका बाटोहरु हात समाई हिडौं भन्थें
मलाई टेक्दै तिमी तर्यौ यो छाती पूल भयो
जाने रहेछौ छोडी गयौ रोक्न सकिन मैले
तिम्रो खुशी मेरो लक्ष्य यही मेरो कबुल भयो
भाग,गुणा,जोड,घटाउ मिलेनन् यी यथार्थमा
अन्तत:मेरो प्रेम तिम्रो लागि अयोग्य कूल भयो
उराठ,उदास यो जिन्दगीको भग्नावशेषमा'नि
तिमीलाई खोज्ने मेरा आँखा आँशुको मूल भयो
