यामु काउचा निश्चल मगर
सुन्दर शान्त नेपाल
कुनै दिन थियो होला
आजकल
सधैंको कचिंगल
हरिया झिंगाहरुको
बेमौसमी समागम
छुट्टाउन गार्हो भो
ईस्त्रिलिंग की पुलिंग
कर्णालीका जनताका भोका पेट
पेट भरी खाने सपना
काठमान्डौ खाल्डोमा पानीको हाहाकार
मेलम्चीको पानीले प्यास मेटाउने सपना
खोई कैले पूरा होला?
राष्ट्रियताको नारा लगाउनेहरु
स्वाधिनता
माना
पाथी
भर्दै
बेचीरहेछन
रजौटाहरुको नमिठो डकार
हरिया झिंगाहरु
तिमीहरुको कर्म कुण्डली
लेखीदिने जनता नै हुन
जनताको भावनालाई
अनादर गर्दै
खेलवाद गर्दै छौ
शुली चदन तयार हौ
अब मेरो देश बुद्धको देश हुँदैछ
जहाँ कातमार हुने छैन
जहाँ सिनो पाइने छैन
