हरि बहादुर सारुमगर
देवीनगर ७ पाल्पा
ङा हवाके परिस्च
नाको हवाके परिस्च
फकुङ्ग लाम माहाले
कानुङ्ग काल्हौ लाम !
कानुङ्ग म्हिनाम लाम ! !
कानुङ्ग बाजी बज्यै २००७ ल्हेसो
प्रजाटन्त्र राक्के टेम पुन्काङ्ग
प्रजाटन्त्र ड राहा !
२०४६ ल्हेसाङ्ग
कानुङ्ग बोईमाईको
बहुडलिय प्रजाटन्त्र राक्के पुन्काङ्ग
बहुडलिय प्रजाटन्त्र ड राहा !
बाकिर कुस्के राहा फकोके ! !
नाको कान
२०६२र०६३ ओ जनआन्डोलनाङ्ग
लोकटन्त्र राक्के टेम कापुनास
लोकटन्त्र ड राहा !
फेरी ड कुस्के राहा
नाको काने पाच बखट आले
कुडिक ह्वाके फकुङ्ग लामाङ्ग
मिगिने कुडिक मन्डिले
अव च चहिडिस्मले
कानुङ्ग लाम !
कानुङ्ग काल्हौ म्हिनाम लाम ! !
अहो ! कुडिकले ईढिन्च कुरा
नाकोई वार्के परिस्च
ङई वार्के परिस्च
माछाना अबच
सोटिङ्ग डाई भया डै नानीको
मिहुट !
डाव्या बन्डुकको माहाले
ईढिन्च जोसिलो मिहुट
पट्ट टेनाङ्ग बलियो कानुङ्ग काल्हौ मिङाक
होलाङ्ग कानुङ्ग मगर गुमस्ठा जिवाले
कानुङ्ग ढुट रोश हटै लोयाटको जिवाले !
ईसन आले कानुङ्ग लाम !
ईसन आले कानुङ्ग काल्हौ
म्हिनाम लाम ! !
