पवित्रा राई
नसोच है मन भित्र चोट दिइ टाढा गइगयौ
मिलन बिछोड संसारको रित अनि चलनै हो
कस्तो रहेछ दैव पनि बिछोडको घाउ पर्यो
तिम्रो माया छाती भरी नबिर्सने दाग बस्यो
नसुन्नु है बनै भरी न्याहुली चरी गित गाउँदा
न्याहुलीको रुवाइसंगै सम्झनामा आँसु झर्ला
एकान्तमा नबस्नु है मेरो आसामा बाटो हेर्दै
टाढा हुन्छु म तिम्रो छेउमा आउन सक्दिन है
नभन्नु है छाडी गयौ निस्ठुरी बनी दियौ
आफूलाई नै थाहा छैन कँहा भारी बिसाउँ
निस्ठुरीको नाम पुकार्दै नदिनु है सराप मलाई
तिम्रो सम्झनाहरु साथैमा राख्छु जुनी भरीलाई
नसोच्नु है टाढा भयौ भुल्ने हो कि भन्दै
बस्ने छु तिम्रो सम्झनामा संधै आसु झार्दै ।
