बियाडेमा त्रिशुल छाप
साँढेहरु चरी रहन्छन्
चरा चुरुँगीहरु रमाई रहन्छन
बिचरा त्यो बुख्याँचालाई
झुण्ड्याइएको छ हेङगरको कोट झैँ
खेतको डिलमा
बारीको डिलमा
बियाडेको छेउमा
जब फेल भएकाहरु
क्लास चढछन्
उत्तिर्ण भएकाहरु
बुख्याचा झैँ
प्रमाण पत्रहरुलाई
सजाउछन् आफ्नो हेङ्गररुपि रुपलाई
बुख्याचा झै
बुलेटको भन्दा ब्यालेटको हुईया दिनेहरु
हारको पुरुस्कार
कुर्सी लियर जब
शीतल निवास धाउछन्
शिंहदरवारको निम्ती
तब ब्यालेटको शक्तिहरु
बुख्याचा झै
नियति भोग्नु परेकोछ
दश गजामा जंगे पीलरहरु
दिनदहाडै हराउछन्
लाखौँका सुरक्षा कर्मिहरु
लाग्दछ बुख्याचा नै पो होकि !
कि यो देश नै बुख्याचा हो हँ ?
म अलमलमा परेकोछु ।
