खानेपानीको समस्याले  पिरोलिएको धरानमा एशियाली विकास बैंकको आर्थिक सहयोगमा झनै २ अर्व रुपैयाको खानेपानी योजना शुरु भएको छ । २०१३ देखि काम थालेर २०१७ मा सम्पन्न गरिने सो योजना अन्र्तगत झण्डै पाउने २ अर्व रुपैया बराबरको कामहरु  गर्न गराउन काठमाण्डौको बिल्डि∙ डिजायन अथोरेटी (विडिए) नामक प्राईभेट कम्पनीले जिम्मेवारी पाएको छ । हालै धरान नगरपालिका संग औपचारिकरुपमा नै  सम्झौता भई यस कम्पनीले धरान १६मा कार्यालय स्थापना गरी  प्रारम्भिक काम पनि शुरु  गरीसकेको छ । सो कम्पनीका  निर्देशक हुनुहुन्छ अनिल भण्डारी । भण्डारी खानेपानी तथा  सरसफाई विषयका सिनियर ईन्जिनियर हुन । उनै भण्डारी संग परियोजनाको बारेमा स्वतन्त्र  पत्रकार आनन्द श्रेष्ठ संग भएको कुराकानीको अशं प्रस्तुत छ ।

लोक तथा दोहोरी गायिकाको रूपमा श्रोतामाझ चिनिनुभएकी संगिता रेश्मी थापामगरको जन्म सेखाम–४, गञ्जर, स्याङ्जामा आजभन्दा २४ वर्षअघि भएको हो । बुवा हेमबहादुर थापामगर र आमा जिनाकुमारी थापामगरको कोखमा जन्मे हुर्केकी संगितालाई आफ्नो प्रारम्भिक शिक्षादेखि प्रवेशिका परीक्षासम्म रत्नपुर–८, दामाचौर, स्याङ्जास्थित जनहित माविबाट उत्तीर्ण गर्नुभएको हो । हाल भने नेपालटार, काठमाडौंस्थित एम.आर. कलेजमा स्नातक तहमा अध्ययनरत हुनुहुन्छ । अत्यन्तै सुमधुर स्वरकी धनी संगितासँग हङकङ नेपाली डटकमका लागि पोखरास्थित संवाददाता रूद्र श्रीसमगरले गरेको कुराकानी :

रञ्जना थापामगर, अब कुनै नौलो नाम रहेन, मगर समुदायका लागि । नेपाल मगर संघ, कास्कीको आयोजना र रिबर्थ इभेन्ट म्यानेजमेन्टको व्यवस्थापनमा भएको मिस मगर प्रतियोगिताको दोश्रो संस्करण मिस मगर पोखरा–२०१२ को उपाधि जितेपछि रञ्जनाको चर्चा औपचारिक रूपमा सुरू भएको हो । पूर्व प्रहरी अधिकृत बुवा युवराज थापामगर र आमा विमला थापामगरकी छोरी रञ्जना तनहुँ, दुलेगौंडा–९, बेलचौतारामा जन्मिएकी हुन् । औपचारिक शिक्षाका हिसाबले उनले ब्राइट फ्युचर आवासीय उच्च माविबाट प्रवेशिका र दश जोड दुई तह पार गरेकी हुन् । हाल बीसीए तेश्रो वर्षमा अध्ययनरत रञ्जनाले आईसी स्कूल अफ आर्टबाट फेशन डिजाइनिङ कोर्स सकेकी उनी पेशाले फेशन डिजाइनर पनि हुन् । उनी मोडलिङ र ¥याम्पिङ पनि गर्छिन् । उनका रूचिका विषय भनेका स्केच, पेन्टिङ, ट्राभलिङ आदि हुन् । अहिले विभिन्न सामाजिक कार्यमा संलग्न रही चर्चामा रहेकी मिस मगर रञ्जनासँग हङकङ नेपाली डट कम का पोखरा सम्वाददाता रूद्र श्रीसमगरले गरेको कुराकानी :

मिस मंगोल–२०१२ को उपाधि चुमेपछि बागलुङ, भिङ्गगिठे–४ की सपना रोकामगरको चर्चा एकाएक चुलियो । एक्सन इन्टरटेनमेन्टले आयोजना गरेको नेपालको मंगोल समुदायका युवतीबीचको प्रतिस्पर्धामा सपनाले उपाधि चुम्न सफल भएकी हुन् । सपना मिस मंगोल भएपछि बुवा मनबहादुर रोकामगर र आमा छममाया रोकामगरको पनि खुशीको सीमा नै रहेन । भिङ्गगिठे माविबाट प्रवेशिका परीक्षा उत्तीर्ण उनले राजधानीको पद्मकन्या क्याम्पसबाट दश जोड दुईको पढाइ सकिन् । भीएस निकेतन कलेजमा व्यवस्थापन संकायबाट स्नातक गरिरहेकी उनी सामाजिक कार्यमा अभ्यस्त छिन् । मिस मंगोल–२०१२ को उपाधि जितेपछि सपना ३० औं मगर दिवसका अवसरमा नेपाल मगर संघ केन्द्रीय समिति, नेपाल मगर संघ, काठमाडौं जिल्ला समिति, बागलुङ मगर समाज, काठमाडौंलगायतका थुप्रै संघसंस्थाबाट सम्मानित समेत भएकी छन् । यिनै मिस मंगोल सपना रोकामगर सँग हङकङ नेपाली डट कम का लागि रूद्र श्रीसमगरले गरेको कुराकानी  ।

मिस मंगोलको उपाधि जितेपछि कस्तो अनुभव गर्नुभयो ?

जीवनको सबैभन्दा महत्वपूर्ण क्षणका रूपमा लिएँ । मिस मंगोलका लागि प्रशिक्षणको दौरान धेरै कुराहरू सिक्न पाइयो । चुनौतीहरू आएजस्तो लाग्यो ।

उपाधि जित्छु भन्ने थियो ?

आत्मबल चाहिं थियो । मेरो पर्फर्मेन्स (प्रस्तुती) राम्रो गर्छु भन्ने लागेको थियो । तर, जित्छु नै भन्ने लाग्थेन ।

किन नि ?

किनभने अरू प्रतिस्पर्धी साथीहरू पनि धेरै ट्यालेन्ट थिए ।

मिस मंगोलजस्तो सौन्दर्य प्रतियोगिताको सन्देश के हुन सक्छ ?

आफ्नो मातृभाषा, संस्कृति र परम्पराप्रति धेरैको बेवास्ता छ । आफ्नो पहिचानप्रति पुनर्जागृत गराउने काम भयो । मंगोल समुदायभित्र पर्ने विभिन्न जातीय समुदायको प्रतिनिधित्व गर्न सक्ने अवस्था भयो । यो कन्टेष्टले नयाँ पुस्तालाई आफ्नो भाषा, संस्कृति र परम्परालाई भुल्नु हुँदैन भन्ने सन्देश दिन सक्यो जस्तो लाग्छ ।

के ग¥यो भने मंगोल समुदायको भाषा, धर्म र संस्कृतिको संरक्षण हुन्छ जस्तो लाग्छ ?

युवाहरूमा बल छ, तागत छ । पश्चिमी संस्कृतिमा रमाइरहेका युवालाई आफ्नो आदिकालीन मातृभाषा, संस्कृति र परम्परालाई बचाउन अभियान नै चलाएर जानुपर्छ ।

मिस नेपालमा भाग लिनहुन्छ कि लिनुहुन्न ?

लिने त भनेकी छु तर, अर्को वर्ष हुने मिस नेपाल–२०१२ का लागि फारम चाहिं भरिनँ । मिस मंगोल भइसकेपछि आफ्नो जिम्मेवारीका कारण मैले फारम नभरेकी हुँ । पछि चाहिं हेरौं के हुन्छ ।

मिस मंगोलमा सहभागिता कस्तो पाउनुभयो ?

सहभागिता अलि कम भएको पाएँ । सबैले भाग लिनुप¥यो । आफ्नो क्षमतामा पनि भर पर्ने कुरा हो जस्तो लाग्छ ।

तपाईले सुनेका अविश्वसनीय कुरा केही छन् ?

धेरैले मगरहरू पनि सुन्दर हुन्छन् र भन्छन् ।

तपाईले बिर्सन नसक्ने क्षण ?

मिस मंगोल बिजेता हुँदा रुन मन लागेको थियो । त्यसबेला इनोसेन्स्ली दियौ र छक्क प¥यौं भनेर साथीहरूले निकै फोन अनि एसएमएस गरेका थिए ।

अन्त्यमा, मंगोल समुदायलाई तपाईको सुझाव ?

राज्यमा पहुँचका लागि गर्नुपर्ने धेरै छन् जस्तो लाग्छ । अझै प्रगतिका लागि धेरै संघर्षहरू गर्नुपर्छ । हामीले आफ्ना कमीकमजोरीहरू पनि सच्याएर आयौं भने हाम्रो भविष्यका लागि राम्रो हुन्छ जस्तो लाग्छ । अझै पनि मंगोल समुदायले राज्यसत्तामा पहुँच र प्रतिनिधित्वका लागि आन्दोलन र संघर्ष गर्नुपर्ने अवस्था देखेकी छु मैले ।