विचार / दृष्टिकोण
उमेशबहादुर रानामगर
२०११ डिसेम्बर ३०, नेपालका प्रथम सहिद लखन थापाबारे हालसम्म सवैभन्दा बढी लेख, रचना र कृतिहरू प्रकाशित भएका छन्। तापनि उनको बारेमा प्रशस्तै टिकाटिप्पणी, छलफल र बहसहरू चलाइएका छन् जुन अन्य सहिदहरूको तुलनामा अधिकाधिक रहेको देखिन्छ। उनलाई कसैले सिद्ध व्यक्ति त कसैले राणाकालीन सहिदको रूपमा मानेको र कसैकसैले मिश्रितरूपमा बुझेको पाइन्छ। नेपाली इतिहासको अध्ययन गर्दा लखन थापा नाम गरेका दुई अलगअलग व्यक्तिहरू भिन्दाभिन्दै समयमा देखा परेका र अलगअलग पहिचान बोकेका महान पुरुषहरू हुन्। यसमा कसैले भ्रमित हुनुपर्ने अवस्था छैन।
