HongKongNepali.com, The Next Media

Wednesday
Sep 03rd
Home नेपाल तथा विश्व समाचार गोर्खा सैनिकलाई उच्च अवार्ड

गोर्खा सैनिकलाई उच्च अवार्ड

E-mail Print PDF
AddThis Social Bookmark Button

काठमाडौं, जेठ २० (नागरिक) - अफगानिस्तान युद्धमा देखाएको बहादुरीका लागि बेलायती सेनाका नेपाली कर्पोरल दीपप्रसाद पुनलाई महारानी एलिजाबेथ द्वितीयाले वीरतासम्बन्धी दोस्रो ठूलो पदक प्रदान गरेकी छन्। बकिङ्घम दरबारमा बुधबार राति आयोजित विशेष समारोहमा महारानी एलिजाबेथले पुनलाई 'कन्स्पिस्युअस ग्यालन्ट्री क्रस' अवार्डले सम्मानित गरेकी हुन्। 
 

बेलायती रक्षा मन्त्रालयका अनुसार यो अवार्ड भिक्टोरिया क्रसपछि दोस्रो ठूलो हो। उदाहरणीय बहादुरीका लागि प्रदान गर्न सन् १९९३ मा स्थापित यो अवार्ड पाउने पुन बेलायती सेनाका पहिलो नेपाली हुन्।
गोर्खा राइफल्स फस्ट बटालियनका पुन सन् २००० मा बेलायती सेनामा भर्ती भएका हुन्। उनी यसअघि बोस्निया र कोसोभोमा खटिएका थिए। पुनका बुबा र हजुबाले पनि गोर्खा सेनामा काम गरेका थिए।


पुरस्कार प्राप्त गरेपछि बेलायती सञ्चारमाध्यमहरूमा प्रतिक्रिया दिँदै पुनले भनेका छन्, 'दरबारमा आएर कन्स्पिस्युअस ग्यालन्ट्री क्रस प्राप्त गर्दा धेरै उत्साहित र खुशी छु। यो भविष्यका लागि राम्रो सम्झना हुनेछ।'
पुनले प्राप्त गरेको पदक र उनको बहादुरीको प्रशंसा गर्दै बेलायती सञ्चार माध्यमहरूले प्रमुखतासाथ समाचार दिएका छन्।

म्याग्दी बिम गाविसका ३१ वर्षीय पुन २०६७ असोज १ राति अफगानिस्तानको हेलमन्द प्रान्तको बाबाजी जिल्लास्थित सैनिक चौकीमा आक्रमण गर्न आएका लडाकुसँग एक्लै लडेका थिए। यो भिडन्तमा उनले चौकी बचाएका थिए।

सानो जाँच चौकीमा तीनमात्रै सैनिक रहेको बेला ड्युटीमा रहेका पुनले १५ मिनेटभन्दा बढी करिब तीस तालिबान लडाकुसँग एक्लै लडेका थिए।

लडाकुले चौकीमा एके ४७ र मोर्र्टार आक्रमण गरे पनि पुनको निरन्तर प्रतिरक्षाले तालिबान पछि हटेका थिए। तालिबानले उनको चौकीमाथि नियन्त्रण कायम गर्न सकेको भए त्यहाँ रहेका सबै सैनिक मारिने उनले बताए। तालिबानसँग संघर्षका क्रममा उनले ४ सय राउन्ड गोली, १७ वटा ग्रिनेड र एउटा माइन विष्फोट गराएका थिए।

'चौकीलाई तालिबानले वरिपरिबाट घेरेका थिए, मसँग लड्नेबाहेक विकल्प थिएन,' उनले एएफपीसँग भनेका छन्, 'म निश्चित रूपमा मारिन्छु भन्ने थियो। मर्नुभन्दा अघि धेरैभन्दा धेरैलाई मार्नुपर्छ भनेर मैले सोचेँ।'
उनले भने, 'त्यसपछि मलाई उनीहरूले मार्न सक्छन् भन्ने नै कहिल्यै लागेन।' -एजेन्सीको सहयोगमा

 श्रोत- नागरिक न्युज 

पदविका साथ दीप्रसाद पुन

 

 
Comments (4)
badhai
1 Sunday, 05 June 2011 12:31
chochangi
bahini andaji 13 barsako huda bihe bhayo bhanne khabarle besari ruyeko thiye aaj pheri khusi ko asu bayo aaj kwal deep poon ko pariwar ma mattar hoina magar haruma mattar hoina shinggo nepali haruko gaurab ho ajhai pargati ko kamana gardachhu
Nepali Gaurav
2 Tuesday, 07 June 2011 16:44
Ashok
Gorkhali sainik ko barema anyetha vanne r prayog garne harule bujhne kura k ho vane "THEY ARE THE BRAVEST OF THE BRAVE". The bitter truth is proved again. Whatever nonesense one talk about them doesnot make sense because when you come to face them you may need "GUTS" not gossip, rumour or nonesense thought, clear? Congratulation Deep Pun Ji.
welldone
3 Friday, 10 June 2011 15:19
Rai. Ex Gurkha,, HK
Dear Bhai...No matter what we are so proud of you, congatulation for ur bravy medal,,
nothing
4 Wednesday, 13 July 2011 22:04
govar
बाजे, बाबु, बिदेस को लागी सिपाही भयर नून को लागी लड़े नाती पनी बिदेसी नून को लागी लडेर बहादुरी पायो तिम्रो छोरा पनी बिदेसको लागी सिपाही बन्छ ! तर कहिले आफ्नो देसको लागी लड्छौ ???

Add your comment

Your name:
Subject:
Comment:
Banner

Latest Entries

Good News!

free counters

(Since April 2009)