दाङ १० भदौं-गैरकानुनीरुपमा ढुंगा गिट्टी र बालुवाको पैसा उठाएको भन्दै इलाका प्रहरी कार्यालय तुलसीपुरले दुइजना युवालाई पक्राउ गरेको छ। पक्राउ पर्नेहरुमा तुलसीपुर नगरपालिका वडा नं। ४ टिक्रापातु निवासी भरत भनिने फसा्रराम विक र सोही ठाउँ निवासी पवन चन्द रहेका छन्।
मन्दिरको सहयोगको नाममा पशुपति टोल विकास संस्थाको लेटरप्याडमा पातुखोलाबाट निकासी हुने ढुंगा गिट्टी र बालुवाको प्रतिटिप एक सय रुपैयाँ उठाउँदै आएको प्रहरीले जनाएको छ। उनीहरुले झण्डै तीन महिनादेखि गैरकानुनीरुपमा पैसा असुल्दै आएको र असुलीमा संंलग्न अन्य दुइजनाको खोजी कार्य जारी रहेको प्रहरी निरीक्षक जीवन बुढाथोकीले जानकारी दिए।
