उमा थापामगर, नेपाल टीभी वान
नेपालगन्ज ६ साउन। नेपाल आदिवासी जनजाति महासंघ जिल्ला समनव्य परिषद बांकेको आयोजनामा भएको अन्तराष्ट्रिय श्रम संगठन आइएलओ विषयक जिल्ला स्तरिय छलफल कार्यक्रम विहीबार सम्पन्न भएको छ।
छलफल कार्यक्रममा बांके जिल्लाका आदिवासी जनजाति अगुवा नेताहरु विद्यार्थी तथा जातिय संघ संस्थाका प्रतिनिधि गरी करिब २ सय बढीको सहभागिता रहेको थियो।
कार्यक्रममा अधिवक्ता युग बहादुर गुरुङ, इन्सेकका सुशिल चौधरी र पत्रकार उमा थापा मगरले अन्तराष्ट्रिय श्रम संगठन महासन्धी नं. १६९ का बारेमा र महासन्धीले प्रावधान गरेका अधिकारहरुका बारेमा सहजीकरण गरेका थिए।
सहभागी आदिवासी जनजातिहरुले अन्तराष्ट्रिय श्रम संगठन महासन्धी नं १६९ मा नेपाल सरकारले कार्यान्वयन गर्छु भनी हस्ताक्षर गरि सक्दा पनि कार्यान्वय नगरेको गुनासो गरेका थिए।
आदिवासी जनजातिहरुलाई अन्तराष्ट्रिय श्रम संगठनको बारेमा जानकारी दिनु राज्यको जिम्मेवारी भएपनि राज्यले जिम्मेवारी पुरा नगरेको सहभागहिरुले बताए। समनव्य परिषदका जिल्ला अध्यक्ष डम्मर थापाको अध्यक्षतामा सम्पन्न कार्यक्रममा जिल्ला विकास समिति आदिवासी जनजाति जिल्ला समनव्य समितिका उपाध्यक्षँ रमेश सिँजाली, जिल्ला विकास समितिका कार्यक्रम अधिकृत रमेश शाह, आदिवासी जनजाति संघीय परिषदका केन्द्रिय सचिव बद्री कुचबाडिया, थारु कल्याणकारिनी सभाका जिल्ला अध्यक्ष मंगल चौधरी, समनव्य परिषदका सचिव गन बहादुर गुरुङ, नेपाल मगर विद्यार्थी संघका केन्द्रिय सदस्य दिपा आले मगरलगायतले बोलेका थिए।
