पोखराका राजेश गुरुङ राष्ट्रिय खेलकुद परिषद्को सदस्यमा बिहीबार मनोनित हुनुभएको छ। उहाँ परिश्चमााचल क्षेत्रबाट परिषद्को सदस्यमा मनोनित हुनुभएको हो। पाँच विकास क्षेत्रबाट एक-एक जना परिषद्को सदस्यमा मनोनयन गर्ने प्रावधान छ। उहाँ नेपाल सुटिङ संघका उपाध्यक्ष तथा नेपाल ब्याडमिन्टन संघका सदस्य समेत हुनुहुन्छ भने नेपाल ब_िक्सङ संघका पूर्व उपाध्यक्ष हुनुहुन्थ्यो। उहाँ पोखरामा सम्पन्न २२ औं राष्ट्रिय प्रतियोगिताको संयोजक समेत हुनुहुन्थ्यो।

नेपाल मगर संघ कास्कीको छैठौं अधिवेशन बैखास १८ गतेदेखि शुरु हुने भएको छ। संघको बुधबार बसेको भेलाले उक्त निर्णय गरेको हो।

"ईतिहास भाषा संस्कृति संरक्षण सम्बर्धन मगरहरुको मूल मन्त्र जातीय पहिचान र स्वायत्त शासनसहितको संघीय लोकतान्त्रिक गणतन्त्र" भन्ने मूल नाराका साथ मगर संघको कार्यालय रंगशालामा हुने अधिवेशनमा कास्कीभरिका मगरहरु तथा भातृ संगठनहरुको व्यापक सहभागिता रहने संघले जनाएको छ। हालसम्म कास्कीमा १८ इकाई समिति रहेका छन्।

 

पर्यटन वर्ष सन २०११ लाई लक्षित गरि पाल्पाको तानसेनमा पाचौ अन्तराष्ट्रिय लोक सांस्कृतिक मेला २०६६ सम्पन्न भएको छ।

सार्क राष्ट्रहरु नेपाल बंगलादेश र भारत सहित ११ राष्ट्रका ३६० जना कलाकारहरुले आ आफना राष्ट्रका नाचहरु प्रस्तुत गरेका थिए। आफनै खालका भेषभुषा र संस् कृतिमा सजिएका कलाकारहरुले तानसेनको टुडिखेलमा सन्चालन भईरहेको औद्यौगिक व्यपार मेला तथा पर्यटन महोत्सव २०६६ मा नाचहरु प्रस्तुत गरेका थिए। एभरेष्ट कल्चरल ग्रुपका रामचन्द्र कोईरालाको नेतृत्वमा पाल्पा तानसेन आईपुगेक ती कलाकारहरुले नृत्य प्रस्तुत गरिरहदा उपस्थित दर्शकहरुले तालिले स्वागत गरि रहेका थिए।